Bráðdepilin á Landssjúkrahúsinum søkir eftir inniportøri at byrja 1. mars 2026 ella eftir nærri avtalu. Talan er um eitt fast starv á starvsbrøki 1.0, og arbeiðstíðin er dagvakt frá kl. 08.00 - 16.00 ella frá kl. 10.00 - 18.00, og 3. hvørt vikuskifti ein vikuskiftivakt.
Tann, ið settur verður, verður partur av starvsfólkahópinum í Sjúkraflutningstænastuni við staðseting á Landssjúkrahúsinum, og fevnir starvið í høvuðsheitum um:
- At flyta sjúklingar millum deildir
- At flyta reinar og skitnar sengur til og frá deildum og seingjarsentrali
- At flyta reint og skitið toy til og frá deildum
- At tøma út burturkast o.a. av deildunum
Um neyðugt og tíð er til tess, hjálpir inniportørurin til við øðrum fyrifallandi uppgávum.
Dentur verður lagdur á
- At tú ert fylt/ur 21 ár
- At tú hevur reina revsiváttan
- At tú hevur 1. hjálparprógv
- At tú hevur góða heilsu og ert í nøktandi fysiskum formi
Harafturat vænta vit, at tú
- Ert tænastusinnað/ur, fyrikomandi og hevur góð samstarvsevni
- Sært avbjóðingar fram um avmarkingar
- Hevur evni at orða teg, bæði munnliga og skrivliga
- Tekur ábyrgd og arbeiðir sjálvstøðugt
- Virðir starvsfólkapolitikkin og virðisgrundarlagið hjá Sjúkrahúsverkinum, og líkur tey krøv, ið verða sett í mun til at skapa eitt umhvørvi við trivnaði og menning í hásæti
- Hevur telduførleikar á brúkarastøði
Vit bjóða
- Felags innleiðslu á Landssjúkrahúsinum, umframt upplæring á deildini
- Eitt spennandi arbeiðsumhvørvi við fjølbroyttum avbjóðingum og fakligari menning
- Fakliga dugnaligar og virknar starvsfelagar
- Tvørfakligt samstarv
Fysisk roynd
Um tú er nýggjur í starvinum, skalt tú til eina fysiska roynd, sum saman við umsókn og samrøðu, er partur av setanartilgongdini.
Leinkja til fysisku royndina sæst her (lánt av Ambulance Syd)
Lønar- og setanartreytir eru smb. sáttmála millum Fíggjarmálaráðið og Starvsfelagið.
Royndartíðin er 3 mðr.
Nærri upplýsingar um starvið fáast við at venda sær til Louis Hansen, deildarleiðara, á teldupost louha@ls.fo, ella Gunnar Hjelm, varaleiðara, á tlf. 234602 ella teldupost gunhj@ls.fo.
Umsóknarfreistin er tann 15. februar 2026.
Tey, ið verða boðin til samrøðu, skulu hava reina revsiváttan við.
Her kanst tú lesa meira um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
Preia ein vinSíggj onnur størv