Steno Miðstøðina, ið er diabetes og endokrinologiskt ambulatorium, søkir eftir sjúkrarøktarfrøðingi.
Talan er um eitt fast starv á brøki 1.0 til setan 1. november 2024, ella eftir avtalu.
Umframt arbeiðið í Steno Miðstøðini, verður væntað eitt ávíst samstarv við aðrar sergreinar. Starvið fevnir eisini um vikuskiftisvaktir á medisinskari seingjardeild
Arbeiðsuppgávurnar eru í høvuðsheitum
- Sjálvstøðugar viðtalur
- Geva viðgerðir
- Samskipa viðgerðir og eftirkanningar
- Kunna, vegleiða og undirvísa sjúklingum og avvarandi
- Undirvísa einstaklingum og bólkum
- Seta fyribyrgjandi átøk í verk
- Miðla vitan skrivliga og munnliga til starvsfelagar, sjúklingar og samstarvsfelagar
Partur av starvinum er útgangandi funktión, har sjúkrarøktarfrøðingur á Steno Miðstøðini vitjar deildirnar og hevur viðtalur við innlagdar sjúklingar við diabetes.
Krøv til umsøkjaran
- Prógv og góðkenning sum sjúkrarøktarfrøðingur
- Góð tvørfaklig samstarvsevni
- Góður telduførleiki
- Megna at fáa yvirlit yvir fjøltáttaðu arbeiðsuppgávurnar, raðfesta og samskipa sjúklingagongdir
- Megna at nýta reflektión sum arbeiðsamboð, ein til ein og í bólki.
- Sinnað/ur at menna førleikar at miðla vitan og undirvísa
- Faklig vitan innan økið og kliniskar royndir við medisinskari sjúkrarøkt eru ein fyrimunur.
Vit bjóða
- Felags innleiðslu og upplæring
- Eitt dynamiskt, avbjóðandi og fjølbroytt umhvørvi
- Góðar møguleikar fyri førleikamenning
- Virknar og skikkaðar starvsfelagar
- Tætt tvørfakligt samstarv
Løn- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Setanarøkið er Landssjúkrahúsið, Medisinski depilin, og Steno Miðstøðin heldur til í Útistovu á Medisinska ambulatoriinum.
Nærri fæst at vita við at venda sær til Jóhannu Andreasen funktiónsleiðara á tlf. 304500 lokal 6251, ella við at skriva til johad@ls.fo
Umsóknarfreistin er tann 3. oktober 2024.
Vinarliga søk starvið her.
Steno Miðstøðin, virkar fyri at tryggja borgarum við diabetes og øðrum hormon- og stoffskiftissjúkum bestu viðgerðina, ið kann betra um lívsgóðskuna hjá hesum borgarum. 12 starvsfólk starvast á Steno Miðstøðini í Føroyum.
Steno Miðstøðini verður rikin av Sjúkrahúsverkinum og er ein av sjey StenoMiðstøðum og verður arbeiðið lutvíst fíggjað av Novo Nordisk Fonden.
Á Steno Miðstøðini verður arbeitt við støðugum betranarátøkum, tvørgeira samstarvi og gransking.
Steno Miðstøðin húsast í Útistovu, Bláa ambulatorinum.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
Preia ein vinSíggj onnur størv