Søk starvið

Børn og Ung Somatik søkir eftir fýra sjúkrarøktarfrøðingum. Talan er um:

• Tvey avloysarastørv á brøk 0.7 til setan frá 01.12.2026 til 31.08.2027
• Eitt avloysarastarv á brøk 0.8 til setan frá 01.12.2026 til 31.08.2027
• Eitt barnsburðarfarloyvisstarv á brøk 0.8 til setan frá 01.12.2026 til 31.10.2027.

Um eindina Børn og Ung Somatik
Eindin Børn og Ung Somatik er fyri børn upp til 18 ár og umfatar:

• Akuttmóttøku av børnum og ungum til útgreinan og viðgerð
• Seingjadeild, har børn kunnu vera innløgd
• Neonataleind fyri sjúkar nýføðingar og ov tíðliga fødd børn
• Ambulatorii, har børn koma til viðtalu hjá lækna ella sjúkrarøktarfrøðingi.

Viðgerð og røkt til børnini í eindini verður gjørd í tøttum tvørfakligum samstarvi við fakbólkarnar, sum eru knýttir at eindini. Tikið verður móti børnum úr øllum landinum og innan allar somatiskar sergreinar, og eindin samstarvar eisini við onnur sjúkrahús og stovnar, heima og uttanlands. Nógv ambulant virksemi fer fram í dagtímunum.

Arbeiðsuppgávur í Børn og Ung Somatik eru í høvuðsheitum:

• Útinnan av sjúkrarøkt, viðgerð innan sergreinarnar og samskipa sjúklingagongdirnar hóskandi til tann einstaka sjúklingin
• Leiða, útinna, miðla og menna sjúkrarøktina á økinum m.a. við at vera aktivt luttakandi í mun til at leita fram nýggjastu vitan
• Virka fyri, at barn og foreldur, uttan mun til sjúkuavgerð, koma væl ígjøgnum uppihaldið á eindini.

Vit bjóða:

• Felags innleiðslu á Landssjúkrahúsinum, umframt einstaklinga innleiðslu
• Vit bjóða upplæring innan økini á eindini
• Eitt spennandi arbeiðsumhvørvi við nógvum ymiskum avbjóðingum
• Eitt arbeiðsumhvørvi, sum leggur dent á trivnað og menning
• Fakliga menning og eitt arbeiðsumhvørvi, sum hevur eitt høgt fakligt støði

Dentur verður lagdur á:

• Danska autorisatión sum sjúkrarøktarfrøðingur
• Arbeiðsroyndir innan økið
• Evni og vilja at samstarva við børn og foreldur teirra
• Hug og vilja at arbeiða við egnari fakligari menning og førleika
• Góð samstarvsevni og eitt opið og jaligt sinni
• Ábyrgdarkenslu fyri at skapa góðan trivnað 
• Kreativ/ur og fleksibul
• Broytingarsinnað/ur
   

Lønar- og setanartreytir smb. sáttmála millum Felagið Føroyskir Sjúkrarøktarfrøðingar og Fíggjarmálaráðið.

Nærri upplýsingar um starvið fáast við at venda sær til Herdis Ludvig, funktiónsleiðara fyri Børn & Ung Somatikk, á tlf. 304950 ella t-post herlu@ls.fo, ella Elmar Ósá, ábyrgdarhavandi serlækna á t-post elmos@ls.fo

Vísandi til løgtingslóg um barnaváttanir § 4 stk. 3 hevur Sjúkrahúsverkið skyldu til at útvega barnaváttan, áðrenn setanin verður framd.

Umsóknarfreistin er tann 15.10.2026.

Vinarliga søk starvið her. 

 Um viðkomandi, sum settur verður, hevur starvast uttan fyri Føroyar seinastu 6 mánaðirnar, skal MRSA skjalaváttan vísast, áðrenn byrjað verður.

Her kanst tú lesa meira um okkara visjón, missión og strategimál. 

Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.    

Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum. 

Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.

Søk starviðPreia ein vinSíggj onnur størv