JobMatchProfile

Logopedur til Sjúkrahúsverkið

Landssjúkrahúsið Útgivið fríggjadagur, 14. august 2026
Umsóknarfreistin er fríggjadagur, 28. august 2026

Um viðgerðina av upplýsingum tínum:

Tá ið tú skrásetir teg her, viðgera vit hesar upplýsingar hjá tær: navn, teldupostadressu, telefonnummar, kyn, lívrensl (CV), umsókn og onnur skjøl, sum tú sendir inn.

Vit savna og viðgera eisini møguligar aðrar upplýsingar um arbeiðsevni tíni frá referansum og sosialum miðlum við tí fyri eyga at meta um førleikar tínar og royndir í mun til starvið, tú søkir. Út frá hesum upplýsingum gera vit ein profil, sum vit goyma í 6 mánaðir.

Endamálið við hesi viðgerð av persónsupplýsingum tínum er at meta um førleikar tínar í mun til starvið, tú hevur søkt og møguliga eisini til komandi størv.

Vit kunnu brúka upplýsingar tínar frá hesum spurnablaði í eini sjálvvirkandi viðgerð, herundir í profilering. Slík sjálvvirkandi viðgerð brúkar saklig atlit til at finna fram til tey skrásettu, sum hava teir neyðugu førleikarnar til starvið.

Sum liður í metingini kunnu tíni skjøl (t.d. CV og umsókn) verða greinað við hjálp av vitlíki (AI) við tí endamáli at skapa innlit, sum kann nýtast í metingini. AI-greiningin verður nýtt sum stuðul og tekur ikki sjálvstøðugar avgerðir — endaliga metingin verður altíð gjørd við menniskjansligari luttøku. Viðgerðin kann hava við sær, at tínar upplýsingar verða fluttar til triðjalond uttan fyri ES/EØS. Hetta fer fram á grundarlagi av standard sáttmálaásetingum hjá ES-nevndini (SCC) og/ella EU-US Data Privacy Framework. Tú kanst fáa nærri upplýsingar um ítøkiliga flutningsgrundarlagið við at venda tær til dátuábyrgdaran.

Viðgerðin byggir á samtykki títt.

Tú kanst altíð taka samtykkið aftur. Tá skalt tú seta teg í samband við dátuábyrgdaran, so verða upplýsingarnar strikaðar.

6 mánaðir eftir at tú hevur skrásett teg, verða upplýsingar tínar sjálvvirkandi strikaðar.

Tað er sjálvboðið at svara spurningunum, men um tú ikki gert tað, kunnu vit ikki gera eina nøktandi meting av førleikum tínum.

Sjúkrahúsverkið søkir eftir einum logopedi ella taluráðgeva at byrja 01.09.2026 ella eftir nærri avtalu. Talan er um tíðaravmarkað starv frá 01.09.2026 til 31.12.2026 á starvsbrøk 0,875.

Arbeiðsuppgávur í høvuðsheitum

Nýsetti logopedurin verður partur av einum toymi saman við verðandi audiologopedum í Sjúkrahúsverkinum.

Sum logopedur verður tín høvuðsuppgáva at kanna sjúklingar og skipa endurvenjing hjá sjúklingum, ið hava fingið málsligar og/ella talutrupulleikar. Harumframt verður tú við til at veita ráðgeving og vegleiðing til starvsfólk, avvarðandi og sjúklingar við samskiftistrupulleikum.

Arbeiðsøkið fevnir um alt landið og øll trý sjúkrahúsini - Klaksvíkar Sjúkrahús, Landssjúkrahúsið og Suðuroyar Sjúkrahús.

Í Sjúkrahúsverkinum eru endurvenjingartoymir við ymiskum sergreinum, og er logopedurin ein týðandi partur av toyminum, tá ið tað ræður um endurvenjing av sjúklingum, ið hava fingið samskiftistrupulleikar m.a. eftir apopleksi.

Tú kanst rokna við, at arbeiðið í stóran mun verður skipað sum ambulantar viðtalur við fylgjandi sjúklingabólkar: dysartri, afasi, parkinson og raddarsjúklingar.

Ynskiligir førleikar til umsøkjarar

Útbúgving sum logopedur, audiologopedur ella lærari/námsfrøðingur við eftirútbúgving innan økið
Góðan hugburð og tvørfaklig samstarvsevni
Góðar telduførleikar

Vit bjóða
Vit bjóða eitt áhugavert og avbjóðandi starv við fjølbroyttum uppgávum í einum mennandi og tvørfakligum umhvørvi.

Lønar- og setanartreytir sambært sáttmála millum Fíggjarmálaráðið og avvarðandi fakfelag.

Nærri upplýsingar um starvið fáast við at seta seg í samband við Álv Hansen, leiðara á Ergo- og fysioterapideildini, tlf. 211602 ella á alvha@ls.fo.

Umsóknarfreistin er tann 28.08.2026.

Vinarliga søk starvið her.

Upprunaprógv fyri útbúgving og viðmæli skula havast við til møguliga samrøðu.

Her kanst tú lesa um okkara visjón, missión og strategimál.

Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar Sjúkrahús og Suðuroyar Sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.

Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.

Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.

Preia ein vin Síggj onnur størv