Skurðdepilin á
Landssjúkrahúsinum søkir eftir trimum sjúkrarøktarfrøðingum til seingjadeildina
G4/H2. Talan er um tvey barnsburðarfarloyvisstørv á brøki 0,8 í skiftandi
vaktum. Barnsburðarfarloyvisstørvinum eru við setan frá 15. november 2026 til
og við 31. august 2027 og hitt er við setan frá 15. november 2026 til og við
30. november 2027. Harumframt er eitt farloyvisstarv á brøki 0,8 í
tíðarskeiðnum 15. november 2026 til og við 31. mars 2029.
Deildin er ein
kirurgisk seingjadeild. Vit veita røkt og viðgerð til sjúklingar innan
ortopedi, parenkym, urologi, gynækologi, ONH og eygnasjúkum. Deildin hevur
samanlagt pláss fyri 34 sjúklingum, við 22 plássum á G4 og 10 plássum á H2.
Eisini umfatar virksemið Dagskurð.
Setanarøkið og
tænastan er í løtuni á G4/H2 á Skurðdeplinum.
Førleikar
- tú hevur prógv sum sjúkrarøktarfrøðingur
- tú
hevur dirvið, góð samstarvsevni og ert fleksibul
- tú
hevur fakligan áhuga innan økini
- tú
hevur eitt opið og jaligt sinni
- tú
hevur góðan telduførleika.
Vit kunnu bjóða
- eitt spennandi arbeiðsumhvørvi við nógvum ymiskum avbjóðingum
- fakliga kompetentar og virknar starvsfelagar
- upplæring á deildini
Lønar- og setanartreytir sambært sáttmála millum
Felagið Føroyskir Sjúkrarøktarfrøðingar/Heilsurøktarafelagið og
Fíggjarmálaráðið.
Nærri upplýsingar um starvið fáast við at venda sær til Mariu Matras Thorkildshøj deildarleiðara,
tlf. 304599, lokal 5064 ella t-post marmt@ls.fo, ella til Guðruna Setberg
Lindenskov, depilsleiðara, tlf. 304599, lokal 5102 ella t-post gudli@fo.
Umsóknarfreistin er tann 3. november 2026.
Her
kanst tú lesa um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar
Sjúkrahús og Suðuroyar Sjúkrahús. Okkara uppgáva er at veita øllum dygdargóðar
heilsutænastur, ið fevna frá gitnaði til seinastu fráferð.
Vit eru trý
sjúkrahús, sum samskifta, virka og skapa eftir felags virðum. Í
Sjúkrahúsverkinum vísa vit virðing fyri sjúklingunum, avvarðandi og
starvsfólki, og miða altíð eftir at veita rættstundis sjúkugreinan og viðgerð
við skipaðum sjúklingagongdum.
Sjúkrahúsverkið
er eitt fjølbroytt arbeiðspláss, har virðini stev, áræði og flog, eru okkara
kumpass, sum vit brúka í okkara yrki í gerandisdegnum. Í Sjúkrahúsverkinum
starvast út við 1.200 starvsfólk innan 30 ymiskar fakbólkar.
Preia ein vinSíggj onnur størv