Ert
tú føðsluatstøðari, ella hevur tú líknandi kostfakliga útbúgving, og hevur tað
týdning fyri teg at gera føðslurættan mat til bæði sjúklingar og starvsfólk? So
er eitt fulltíðarstarv leyst at søkja í køkinum á Landssjúkrahúsinum.
Starvsbyrjan er 01.11.2026, ella eftir nærri avtalu.
Vit húsast í køkinum í H-bygninginum og arbeiða við nýggjari útgerð, sum kann menna bæði framleiðsluna og
arbeiðið í køkinum. Køkurin ger mat til sjúklingar og harumframt til kafeina,
Skálan og Matarhøllina. Vit eru sannførd um, at maturin hevur stóran týdning, og
vit leggja stóran dent á, at maturin er bæði góður og føðslurættur.
Um starvið
Arbeiðsuppgávurnar
umfata planlegging og fyrireiking av matframleiðslu. Harumframt ert tú partur
av matgerðini, at borðreiða, fremja innaneftirlit, uppvaskinum og reingerð av
køkinum.
Arbeiðstíðin er frá kl. 7.00 til 15.00. Arbeitt verður áleið
3. hvørt vikuskifti, og eru hesar vaktir eisini frá eisini kl 7.00 til 15.00.
Roknast kann við broytingum í arbeiðstíðum og
arbeiðsuppgávum, so hvørt sum H bygningurin verður tikin í nýtslu.
Førleikar
- Tú ert føðsluatstøðari ella hevur líknandi kostfakliga útbúgving
- Tú hevur kt-førleika á brúkarastøði
- Arbeiðsroyndir frá stovnskøki og at framleiða dietar kann vera ein
fyrimunur
Um
teg
- Tú ert álítandi og røkin
- Tú dugir at taka ábyrgd og tolir, at tað til tíðir er nógv at gera
- Tú tolir broytingar í arbeiðinum
-
Vit
bjóða
- Virknar og dugnaligar starvsfelagar
- Ein fakliga spennandi og mennandi gerandisdag
- Felags innleiðslu umframt upplæring á deildini
Løn
og setanartreytir smb. sáttmálan millum Kost- og føðslufelag Føroya og
Fíggjarmálaráðið.
Nærri
fæst at vita um starvið við at venda sær til Gudnu á Rógvi Joensen,
leiðara í høvuðskøkinum, telefon 234520 ella teldupost
gudna@ls.fo
Umsóknarfreistin
er 22.09.2026.
Vinarliga søk starvið her.
Her kanst
tú lesa meira um okkara visjón, missión og strategimál.
Sjúkrahúsverkið fevnir um tey trý sjúkrahúsini
Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva
er at veita øllum dygdargóðar heilsutænastur, ið fevna frá gitnaði til seinastu
fráferð.
Vit eru trý sjúkrahús, sum samskifta, virka og skapa
eftir felags virðum. Í Sjúkrahúsverkinum vísa vit virðing fyri sjúklingunum,
avvarðandi og starvsfólki, og miða altíð eftir at veita rættstundis
sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har
virðini stev, áræði og flog, eru okkara kumpass, sum vit brúka í okkara yrki í
gerandisdegnum. Í Sjúkrahúsverkinum starvast út við 1.200 starvsfólk innan 30
ymiskar fakbólkar.
Preia ein vinSíggj onnur størv